Misis pinagnakawan, itinulak sa bangin
MANILA, Philippines — Namatay noon din ang isang 40-anyos na misis matapos siyang itulak sa bangin ng kapitbahay na humablot sa kanyang pera naganap kamakalawa sa Sitio Mayaog, Brgy. Pandan, Real, Quezon.
Ang biktima na nabasag ang bungo at nagkabali-bali ang mga buto sa katawan ay kinilalang si Flora Ocular. Habang tinutugis ang suspek na si Arjay Tropicales, 26, binata.
Ayon sa ulat ng pulisya, bago nangyari ang krimen, alas-6:30 ng umaga ay naglalakad ang biktima na papuntang bayan at binibilang ang pera na P20,000.00 na pambili sana ng Smart TV nang makita ito ng suspek.
Sinundan ito ng suspek at nang magkaroon ng pagkakataon ay sapilitang inagaw ang pera ng biktima at saka itinulak ito sa malalim na bangin na naging dahilan ng agarang kamatayan ng huli.
- Latest