Secretary to the mayor sa Cotabato patay sa ambush
MANILA, Philippines — Hindi na umabot nang buhay sa Cotabato Regional and Medical Center (CRMC) ang dating broadcaster at ngayon ay executive secretary ni Cotabato City Mayor Cynthia Guiani-Sayadi matapos siyang barilin habang kumakain sa isang karinderya kahapon ng umaga sa Notre Dame Avenue, Cotabato City.
Kinilala ang biktima na si Aniceto “Boy” Rasalan, 58, dating reporter ng DXMS-AM ng Notre Dame Broadcasting Corporation, at secretary to the mayor.
Sa ulat, alas-830 ng umaga habang kumakain ang biktima sa isang karinderya sa Notre Dame Avenue nang lapitan ng dalawang suspek at agad siyang pinagbabaril sa ulo at katawan. Nang bumagsak ang biktima, mabilis na tumakas ang dalawang suspek lulan ng motorsiklo.
Nabatid na noong Hulyo 25, 2015 ay tinambangan na rin ang biktima pero nakaligtas at ang pag-ambush sa kanya kahapon ang tumapos sa buhay nito.
Iniimbestigahan pa ang motibo sa pagpatay sa opisyal.
- Latest
