Tricycle sa Quezon City maaari nang pumasada – Joy Belmonte
MANILA, Philippines — Habang nasa ilalim ng modified enhanced community quarantine ang Quezon City ay maaari nang pumasada ang mga tricycle.
Gayunman, sinabi ni QC Mayor Joy Belmonte na 60 percent lamang ng dami ng bilang ng bawat TODA ang pinapayagang mamasada para maingatan ang mamamayan mula sa banta ng paglaganap ng COVID-19.
Niliwanag ni Belmonte na sa ilalim ng localized guidelines na pinaiiral ng lokal na pamahalaan para sa operasyon ng tricycle ay mayroon silang dapat sundin.
“Isa lamang ang dapat nilang pasahero, dapat may plastic na nakalagay sa pagitan ng driver at pasahero at dadaan muna ang mga driver sa ating mga health centers to check at ma-assess sila, kung kailangan nilang ma-test para maingatan din ang kalusugan nila,” pahayag pa ni Belmonte.
Anya, P18 ang pasahe sa tricycle at dagdag na P1 sa suceeding kilometer.
- Latest
