Kelot nalaglagan ng baril sa checkpoint, arestado

MANILA, Philippines — Arestado ang isang lalaking tangkang lumusot sa enhanced community quarantine checkpoint (ECQ) matapos aksidenteng malaglag ang nakasukbit na baril kamakalawa ng hapon sa Sta. Maria, Bulacan.

Kinilala ni Bulacan Police director P/Col. Lawrence Cajipe ang suspek na si Orlan Abres, 24, at residente ng Brgy. Poblacion, Santa Maria, Bulacan.

Sa report ng Santa Maria police, bago nangyari ang insidente sa isang ECQ checkpoint sa bahagi ng Brgy. Sta. Clara sakop ng nasabing bayan ay lulan ang suspek ng bisikleta nang tangkang lumusot sa checkpoint subalit aksidenteng nalaglag ang kanyang baril sa harap ng mga otoridad kaya ito naaresto.

Nakuha ng mga otoridad ang isang  Colt Cal. 45, magazine na kargado ng limang bala at mga bala pa ng Cal.9mm. Nahaharap ang suspek sa kasong Illegal possesion of fire arm and ammunition at resistance and disobedience upon agent of person in authority.