Motor sumalpok sa trak: 2 utas
MANILA, Philippines — Dead-on-the-spot ang dalawang katao habang isa ang kritikal matapos sumalpok ang sinasakyan nilang motorsiklo sa nakaparadang trak sa kahabaan ng provincial road ng Zone-6, Brgy. Antipolo, Minalabac, Camarines Sur kamakalawa ng hapon.
Ang dalawang nasawi ay kinilalang sina Raphael Bert Pagal, ng Brgy. Catanusan at angkas na si Jemel Dubas Base ng Brgy. Sal Felipe Santiago. Isinugod naman sa Bicol Medical Center sa Naga City ang nasugatang kasama na si Dindi Ramos.
Sa ulat, ala-1:45 ng hapon, magkakaangkas ang tatlo sa motorsiklo na minamaneho ni Pagal mula Brgy. Hobo patungong Poblacion. Gayunman, dahil sa mabilis na takbo ay nawalan ng kontrol ang motorsiklo kaya’t bumangga sa likuran ng nakaparadang trak (WHW-755) na minamaneho ni Jonathan Malana, 34, ng Brgy. Tambo, Pamplona na ikinaswi ng dalawa.
- Latest
