Death toll sa COVID sa Pinas, 136; mahigit 3,000 katao ang positibo
MANILA, Philippines — Mahigit 3,000 na ang mga nagpositibo sa coronavirus disease (COVID-19) sa Pilipinas habang pumalo sa 136 ang bilang ng mga nasawi sa virus, base sa pinakahuling datos ng Department of Health.
Alas-4 ng hapon kahapon, naitala ang panibagong 385 positibong kaso kaya tumaas ang bilang sa 3,018. Binigyan sila ng patient numbers na PH2643 hanggang P3018.
Samantala, nasa 29 ang bilang ng mga bagong nasawi sa sakit kaya umakyat ang datos sa 136 deaths. Ito na ang pinakamalaking bilang ng mga nasawi sa virus na naitala ng DOH sa loob ng isang araw. Mabagal pa rin naman ang paggaling ng mga pasyente nang isa lang ang naidagdag sa mga nakarekober para pumalo ang numero ng recoveries sa 52.
Samantala, nakatakdang aprubahan na rin ang lima pang laboratoryo bilang testing centers.
Nasa Stage 4 na ang akreditasyon ng Bicol Public Health Laboratory, Victoriano Luna Hospital, St. Lukes Medical Center (Quezon City at Taguig City) at The Medical City. May 35 pang laboratoryo at ospital ang nagsumite ng aplikasyon at nasa Stage 1-3 na ang aplikasyon.
Related video:
- Latest