P54.7 milyong droga nasamsam sa 2 pusher

MANILA, Philippines — Dalawang high value target ang naaresto ng mga otoridad sa magkahiwalay na drug buy-bust operation at nasamsam ang nasa 8 kilo ng shabu na nagkakahalaga ng P54.7 milyon sa bayan ng Consolacion at Cebu City kamakalawa. Kinilala ang dalawang suspek na sina Elmer Gallarde, 35, residente ng Brgy. Sawang Calero at Kirby Abanilla, 37 ng Brgy. Suba; pawang sa lungsod ng Cebu.

Unang nasakote si Gallarde sa Brgy. Apas, Cebu City na nakum­piskahan ng 3,005 gramo ng shabu na may katumbas na halagang P20.4-M. Bandang alas-9:40 ng gabi ay nasakote naman si Abanilla at nasamsam mula dito ang 5,050 gramo ng shabu na nagkakahalaga naman ng P 34.3-M shabu.