2 Chinese na pinatay sa Taguig, bagong laya sa droga

MANILA, Philippines — Kinumpirma ng pulisya na nakulong sa droga ang dalawang Chinese national na napatay sa ambush, kamakalawa sa Taguig City.

Nabatid na ang dalawang napatay na Chinese national na sina Yu Cao, 40, ng EPZA Rosario, Cavite; at Wa Fan Hoi, alyas Yingie Zhang, 43 ng Binondo, Maynila ay nakulong na sa Bureau of Jail Management and Penology (BJMP)-NCR sa Bicutan dahil sa kaso sa iligal na droga nang maaresto noong 2012 at nakuhaan ng isang kilong shabu.

Kalalabas lamang ng mga ito sa kulungan nang madismis ang kasong isinampa sa kanila dahil sa kawalan ng sapat na ebidensya.

Magugunita na inam­bush at napatay ang dalawang Chinese at driver ng sinasakyan nilang Toyota Vios na si Noel Olimba, 38, nang tamba­ngan sa may Gen. Santos Avenue sa Brgy. Upper Bicutan, Ta­guig City.