Solon asam ang guilty verdict sa Maguindanao massacre suspects
MANILA, Philippines – “Guilty”
Ito ang inaasahan at asam na mangyayari ni Maguindanao Rep. Toto Mangudadatu sa magiging hatol sa mga suspek sa 2009 Maguindanao massacre sa susunod na linggo.
Ayon kay Mangudadatu, dahil pumayag ang Korte Suprema sa live media coverage sa promulgation ng kaso sa Disyembre 19 ay pahiwatig na guilty ang magiging hatol ng judge sa mga suspek.
Ang misis, dalawang kapatid ni Mangudadatu ay kabilang sa 53 kataong napatay na ang 32 dito ay mamamahayag noong Nobyembre 23, 2009 Maguindanao massacre.
Nilinaw naman nito na hindi niya sinasabi na guilty na ang magiging hatol ng korte dahil lang sa desisyon ng Korte Suprema na live coverage.
Inaasahan naman ng kongresista na sakaling mahatulang guilty ang mga suspek ay magpapasaklolo ang mga ito sa Court of Appeal (CA) at Korte Suprema na posibleng guluhin umano para ma-pressure ang mga mahistrado.
Habang siya at pamilya ng mga biktima na naghihintay ng paborableng desisyon na hatol ng korte laban sa mga suspek ay magiging maingat umano sila at dahil maraming pagtatangka na umano na dukutin ang kanyang mga anak.
Iginiit ni Mangudadatu na ang kanyang pananampalataya na lamang ang kanyang kinakapitan para malampasan ang 10 taong paghihintay para makuha ang hustisya lalo na umano at isa lamang siya na nagpapalaki ng kanyang mga anak.
- Latest
