Bangkay ng dalagita isinako, ipinaanod sa ilog

MANILA, Philippines — Bangkay na nang matagpuan ang isang nawawalang 16-anyos na dalagita na nakasilid sa sako sa isang ilog sa Purok Bagong Silang, Brgy. Punong Grande, Banga, South Cotabato, kahapon ng umaga.

Kinilala ang biktima na si Barbie Bernardido Inocencio, estudyante ng Notre Dame of Banga.

Ayon sa isang residente, nakita ang bangkay ng biktima na nakasilid sa sako, nakagapos ang mga kamay, duguan at nakasuot pa ng uniporme.

Nabatid na umaga pa umano nakita ang sako na nakasabit sa footbridge at kinahapunan na nang malaman na tao ang laman nang makitang may nakalawit na paa.

Isang negosyante sa lungsod ng Koronadal ang agad na nag-alok ng P200,000 reward sa sinumang makapagturo sa suspek o mga suspek.