Sotto ipinagtanggol si Duterte sa pagsibak kay Robredo

MANILA, Philippines — “Ang pagkakatalaga kay Vice President Leni Robredo sa posisyon ay base sa tiwala at kapag nawala na ang tiwala ay nawawala na rin ang posisyon”.

Ito ang sinabi kahapon ni Senate President Vicente “Tito” Sotto bilang pagtatanggol sa pagsibak ni Pangulong Rodrigo Du­terte kay Robredo bilang co-chair ng Inter-agency Committee on Anti-Illegal Drugs (ICAD).

Naniniwala rin si Sotto­ na itinalaga ng Pangulo sa puwesto si Robredo upang makita nito kung gaano kalawak ang problema ng ilegal na droga sa bansa.

Nakatitiyak din si Sotto na pinagkatiwalaan dati ng Pangulo si Robredo pero posibleng naramdaman nito na lumilihis sa kanyang “job description” bilang co-chair ng ICAD ang bise presidente.

Ikinumpara pa ni Sotto sa larong basketball ang pagkakasibak kay Robredo kung saan nasa kapasyahan ng coach kung sino ang ilalabas sa court.

“Parang basketball yan, yun coach has the prerogative on who to put in and who to pull out,” sabi ni Sotto.