Motor sumalpok sa poste: 2 dedo
MANILA, Philippines — Kapwa nasawi ang rider at angkas nito nang sumalpok ang kanilang motorsiklo sa kongkretong poste ng kuryente at nahulog pa sa malalim na kanal, kamakalawa sa Purok-1, Brgy. San Vicente, Tabaco City, Albay.
Kinilala ang mga nasawi na sina Jolito Broncate Borlagdan, 24; at angkas nitong si Edsel Monhit Broncate, 30, pawang residente ng Brgy. Magapo.
Sa ulat, bago naganap ang aksidente, alas-3:00 ng madaling araw ay mabilis na binabaybay ng motorsiklo ang kahabaan ng kalsada ng nasabing barangay nang mawalan ng kontrol sa manibela si Borlagdan at bumangga sa poste ng kuryente ng APEC.
Sa lakas nang pagkakabangga ay tumilapon ang mga biktima at parehong na-swak sa malalim at konkretong kanal.
Nadala pa sa ospital ang dalawa, subalit idineklarang dead-on-arrival.
- Latest
