2 seniors nasagasaan sa pagtawid
MANILA, Philippines — Kapwa hindi na umabot ng buhay sa ospital ang dalawang matandang lalaki nang sila ay masagasaan ng dalawang pampasaherong jeep habang magkasabay na tumatawid sa national road sa Cardona, Rizal kamakalawa ng gabi.
Ang mga nasawi ay kinilalang sina Roland Julian, 62, at Eulogio Estrella, 61, kapwa residente ng ID Julian Street, Barangay San Roque, Cardona.
Arestado at kapwa nakapiit na ang mga driver na sina Edgar Saligumba, 23, ng 1353 Hinayon Street, Barangay Calumpang at Jan Miggs Tabadero, 22, ng Anore Street, Barangay Mambog, Binangonan, Rizal na kinasuhan ng reckless imprudence resulting to homicide.
Sa ulat, alas-7:10 ng gabi ay kapwa tumatawid ang dalawang matanda sa national road na matatagpuan sa Barangay San Roque nang magkasunod silang mabangga.
- Latest