Mag-asawa tiklo sa P5.4-M shabu
MANILA, Philippines — Isang mag-asawa ang nadakip sa anti-illegal drug operation at nakumpiska ang nasa P5.4 milyong halaga ng shabu sa Mandaluyong City kahapon.
Nakilala ang mag-asawang suspek na sina Suraida Samad Mama, 43; at Joel Sumlay Mama, 46, kapwa ng A Reyes St. Purok 2 New Lower Bicutan Taguig City, at isang 17-anyos na Grade 8 student, na hindi na pinangalanan para sa proteksiyon nito.
Sa imbestigasyon, dakong alas-11:00 ng umaga nang maaresto ang mga suspek sa isang buy-bust operation sa Blk 40, Brgy. Addition Hills, Mandaluyong City.
Nakumpiskahan ang mag-asawa ng isang malaking transparent heat-sealed plastic bag, at 10 medium sized transparent plastic sachet na pawang naglalaman ng hinihinalang shabu na tinatayang may timbang na 800 gramo at may estimated street value na P5.4 milyon.
- Latest