P51-M shabu nalambat sa dagat
MANILA, Philippines — Dalawang mangingisda ang nakalambat ng nasa P51-milyon halaga ng hinihinalang shabu sa baybayin ng Sitio Pagul Brgy Pio del Pilar, North Samar noong Sabado ng hapon.
Sa ulat na tinanggap ni Police B/Gen. Dionardo Carlos, Regional Director ng Police Region Office (PRO) 8, dakong alas-2:35 kamakalawa nang matagpuan ng dalawang mangingisda na residente ng Brgy Pio del Pilar, Biri N. Samar ang mga ilegal na droga na nakalagay sa tatlong plastic bag na tumitimbang ng 2 kilo kada isang plastic habang isang bukas na transparent plastic bag naman ay may timbang na 1.5 kilos na may kabuuang market value na P51-milyon.
Ayon kay Carlos, ito umano ang kauna-unahang insidente na may nakuhang ilegal na droga sa kanilang lugar.
Patuloy umano ang isinasagawang imbestigasyon ng pulisya para matukoy kung saan nagmula ang mga naturang droga.
- Latest
