2 drug pusher tiklo sa P3.4-M shabu
MANILA, Philippines — Dalawang drug pusher na itinuturing na high value target ang naaresto ng mga otoridad sa isang buy-bust operation sa by-pass road, Brgy. Tarusahan, Milaor, Camarines Sur at nasamsam ang nasa P3.4 milyong pisong halaga ng shabu.
Ang dalawang suspek na kinasuhan sa paglabag sa Republic Act 9165 ay kinilalang sina Alex Bibe Salcedo, ng Brgy. San Felipe, Naga City; at Rolie Tacorda Jr., ng Milaor.
Sa ulat, dakong alas-11:20 ng gabi nang magsagawa ng buy bust operation laban sa mga suspek na hindi na pumalag sa mga otoridad.
Nakuha mula sa dalawang suspek ang isang malaking sachet ng shabu na tumitimbang ng 500-gramo at may market value na P3.4 milyong piso, drug paraphernalia at booddle money.
Nabawi rin sa mga suspek ang isang Toyota Innova SUV (ZLU-662) at isang motorsiklo na ginamit nila sa transaksyon.
- Latest