15 Chinese inaresto ng NBI sa illegal online gambling
MANILA, Philippines — Naaresto ng mga ahente ng National Bureau of Investigation (NBI) ang 15 Chinese nationals na pawang sangkot umano sa illegal online gambling sa isinagawang raid sa Punta Verde Subdivision, Pulong Catutod, Angeles City, Pampanga.
Ang mga suspek ay kinilalang sina Yu Shize; Lin Hai Yang; Li Jun Qing; Yu Wen Quian; Xiao Wen Lao; Cai Shui Rong; Lin Jingming; Ju Shi Lin; Qui Zai Wei; Xiao Jian Ze na pawang naaresto sa Angeles, Pampanga; Pan Jianbei; Pan Taiyuan; Jie Lu; Shengbo Zhang; at Jian Lou Zhou na naaresto sa tatlong condominium units sa Maynila.
Ayon kay NBI Spokesperson Ferdinand Lavin, nakatanggap ang ahensya ng impormasyon hinggil sa illegal operation ng mga suspek kaya’ t sa bisa ng search warrant ay sinalakay ang lugar at inabutan ang mga dayuhan na kasalukuyang nag-ooperate ng illegal online gambling.
Ang mga suspek ay kakasuhan ng paglabag sa P.D.1602 o Anti-Illegal Gambling Act in relation to RS 10175 o Cybercrine Prevention Act.
- Latest
