Comelec sinuspinde ang proklamasyon ng 1,000 SK na nanalo

MANILA, Philippines — Sinuspinde muna ng Commission on Elections (COMELEC) ang proklamasyon ng nasa 1,000 kandidato na nanalo sa Sangguniang Kabataan elections.

Matapos na makumpirmang lumagpas na sa age requirement ang mga nasabing kabataang kandidato at nakalabag sa anti-dynasty provision ng SK elections.

Ayon kay COMELEC acting Chairman Al Parreño, aabot pa sa 4,000 hanggang 5,000 mga katulad na kaso ang isinasailalim pa sa review kahit tapos na ang Barangay at SK elections.

Ayon naman kay  COMELEC Commissioner Luie Guia, mayroon silang sinusunod na proseso para palitan ang mga mananalong diskwalipikadong kandidato.

Anila, dapat na na­ging tapat ang mga kandidato upang naiwasan ang nasabing aberya.