‘Pokpok’ tumangging makipag-sex, sinaksak ng kustomer
MANILA, Philippines – Agaw buhay sa pagamutan ang isang dalaga na umano ay nagbebenta ng panandaliang aliw nang saksakin ng kanyang kustomer na nagbayad, subalit ayaw naman makipagtalik naganap kamakalawa ng gabi sa isang motel sa Pasay City.
Ang biktima ay kinilalang si Angeline Faustino, 24, ng Mapagkalinga St., na nagtamo ng dalawang saksak ng gunting sa tiyan.
Ang suspek na agad naaresto ay itinago sa pangalang Tonton, 27, pharmacist, binata, ng Santa Ana, Maynila.
Batay sa imbestigasyon, bago nangyari ang krimen dakong alas-9:00 ng gabi sa loob ng Room 103 ng Rotonda Hotel, EDSA Avenue ng naturang lungsod ay inalok ng biktima ang suspek ng sex sa halagang P1,000.
Pumayag ang suspek at nagkasundo na mag-check-in sa naturang motel at nagbigay agad ng bayad ang una.
Matapos makuha ng biktima ang bayad at mag-se-sex na ay ayaw ng pumayag ng babae, dahilan upang magalit ang suspek na nauwi sa mainitang pagtatalo.
Dito ay nakuha pa ng biktima na sapakin ang biktima na kanyang niloko kaya’t bilang ganti ay kinuha ng suspek ang nakatagong gunting sa bag at sinaksak ng dalawang beses sa tiyan ang una.
Humingi ng tulong ang biktima na agad pinuntahan ng roomboy at sekyu at naaresto ang papatakas na suspek habang ang una ay dinala sa ospital.
- Latest
