Trike driver binoga sa mukha ng pasahero
MANILA, Philippines - Dead-on-the-spot ang isang 31-anyos na tricycle driver nang ito ay barilin ng kanyang pasahero habang binabagtas ang kahabaan ng Brgy. Bagbag 2, Rosario, Cavite kamakalawa.
Ang nasawi ay nakilalang si Anthony Enriquez, ng Brgy. Silangan 2 ng nasabing bayan.
Batay sa ulat, alas-12:20 ng madaling-araw ay minamaneho ng biktima ang kanyang tricycle angkas ang live-in na si Rowilyn Garrido para ihatid ang pasaherong lalaki.
Habang bumabagtas sa nasabing lugar ay bigla na lamang binaril ng pasahero ang biktima sa mukha at mabilis na tumakas.
Inaalam pa ng pulisya kung may nakaaway ang biktima at niresbakan lang ito.
- Latest