MANILA, Philippines — Ang ikatlong sunod na panalo ang hahatawin ng Chery Tiggo sa pagsagupa sa Nxled sa 2024 PVL All-Filipino Conference sa Philsports Arena sa Pasig City.
Lalabanan ng Crossovers ang Chameleons ngayong alas-4 ng hapon kasunod ang bakbakan ng nagdedepensang Creamline Cool Smashers at Cignal HD Spikers sa alas-6 ng gabi.
Sa unang laro sa alas-2 ng hapon magkikita ang Petro Gazz Angels at Capital1 Solar Spikers.
Magkasosyo sa liderato ang Creamline, PLDT at Choco Mucho sa magkakatulad nilang 5-1 record kasunod ang Cignal (4-1), Petro Gazz (4-2), Chery Tiggo (4-2), Akari (2-4), Farm Fresh (2-4), Galeries Tower (2-4), Nxled (1-4), Capital1 (1-5) at Strong Group Athletics (0-6).
Dalawang higante ang pinatumba ng Crossovers sa katauhan ng Cool Smashers, 25-18, 25-24, 25-23, at Gazz Angels, 25-21, 18-25, 22-25, 25-19, 15-13.