Navotas vs Rizal sa unang triple header ng MPBL
MANILA, Philippines — Pagkatapos ng dala-wang seasons, nagtakda ang Maharlika Pilipinas Basketball League ng kanilang unang triple-header sa Martes sa Navotas Sports Complex.
Ang home team Clutch ang host sa kanilang laban ng Rizal Golden Coolers sa main game sa alas-9 ng gabi pagkatapos ng dalawang laro na magtatampok ng tatlong teams na nais makapasok sa win column.
Maghaharap ang Biñan City at Quezon City sa alas-6:30 ng gabi na parehong nais makaba-ngon sa kani-kanilang nalasap na kabiguan.
Hangad ng koponang dating tinatawag na Laguna Krah-Heroes, Biñan City na maibaon sa limot ang 75-62 pagkatalo sa Bataan Risers habang sisikapin namang mabura sa alaala ng Capitals ang masaklap na 86-85 pagkatalo sa Manila Stars.
Haharapin naman ng General Santos City ang Marikina sa pambungad na laro sa alas-4 ng hapon kung saan nais ng Warriors na ngayon ay suportado na ng Burlington, na masundan ang morale boosting 81-77 panalo sa Bulacan Kuyas.
Sinabi ni League commissioner Kenneth Duremdes na nais ng ligang mapaiksi ang season ngayong mayroon nang 30 teams ang ligang itinayo ni Senator Manny Pacquiao.
- Latest