Beal kailangang operahan

WASHINGTON -- Mangangailangan si Washington Wizards guard Bradley Beal ng operasyon sa kanyang left wrist at hindi tiyak kung hanggang kailan siya magbabakasyon.

Sumailalim si Beal sa isang MRI exam kung saan nakitang mayroon siyang non-displaced fracture sa kanyang non-shooting wrist.

Nakuha ni Beal ang injury sa first quarter ng isang preseason game laban sa Charlotte noong Biyernes.

Sinabi ng Wizards na ihahayag nila kung kailan makakabalik si Beal matapos ang operasyon.

Nagposte si Beal ng mga averages na 17.1 points, 3.7 rebounds at 3.3 assists sa nakaraang season at nakatuwang si John Wall para sa pagpasok ng Wizards sa second round ng playoffs.