NATAPOS ang pagtawag ni Sadiq sa telepono.
“Tayo na JayR. Magpapadala naman ako ng pera sa mag-iina ko.’’
Lumakad sila patungo sa Al-Rahji Bank na ilang hakbang lang ang layo mula sa telephone booth. Hindi pa uso nun ang cell phone.
“Bakit ang saya mo Sadiq?’’
“Sino ba naman ang hindi masisiyahan e binalita ng misis ko na pawang honor student ang mga anak kong babae.’’
Wow ang galing! Mana sa papa!’’
“Mana sa ina, ha-haha!’’
“Congrats, Sadiq.’’
“Kaya nga magpapadala ako ng pera ngayon para sa graduation fee at iba pa. Sasairin ko ang laman ng bulsa ko. Di baleng maubusan ako rito wag lang ang mag-iina ko. Mas mahirap kung sila ang magigipit.’’
(Itutuloy)