Solenn, ipinakita ang second baby...negosyong gawa sa recycled plastic bottles, kinukwestyon!

Inulan ng likes and hearts ang post ni Solenn Heussaff sa kanilang second baby ng husband niyang si Nico Bolzico.

Ito ang first time na ipinakita sa social media ni Solenn ang second baby nila pagkatapos niyang manganak noong December last year. “Always making us smile Maëlys,” caption ng actress na isa ring mahusay na artist sa kanilang sobrang cute na baby girl.

Samantala, ‘di binura ni Solenn ang comment sa post niya kamakailan tungkol sa made of recycled plastic bottles swimwear na kanilang negosyo.

Nakatanggap ang nasabing post ng mga criticism dahil nagko-contradict daw ito sa pagiging endorser niya ng isang brand ng tubig na contributor ng plastic waste / plastic pollution.

Post ng social media influencer : “We have been working on Splash for a while now:) Our material is made from recycled plastic bottles and has UPF 50+ protection. The print was illustrated by my sister and myself with elements that remind us of family holidays at home,” bahagi ng post ni Solenn na suot ng anak na si Tali ang swimwear na pangbata.

May sumagot na kanyang follower : “Hiii just purely out of curiosity if ever there are any proofs that there are recycled plastic bottles being (actually) involved in this collection? :))” sabay banggit ng brand ng tubig na nabibili sa plastic bottles na ini-endorse ni Solenn.

May ilan pang nagkomento ng halos ganito rin, na ang recycled plastic bottles na ginagamit bilang tela / damit daw ay nagpapalala ng polusyon dahil pag naluma na diumano ang damit ay mas matagal daw mabulok.

Though ‘di raw ito recycling sabi ng isa kundi upcycling na binibigyan ng second life o new function ang isang bagay na gamit na.

Naku mahabang debate ito pag nagkataon.

Kung nakakatulong ba sa pagsalba ng mother earth ang recycling o upcycling ng plastic bottles.

Hindi sinagot ni Solenn ang mga inquiry ng kanyang ibang followers tungkol dito.