Vice nag-sorry, Kim Atienza ‘tinira’

Si Kim Atienza ang hula ng lahat sa dialogue kahapon ni Vice Ganda sa It’s Showtime na “Gusto niya yung magkakaaway tayo kunwari tas maraming maglalike-like para involved sila. Yes! Tren­ding din siya, nakuha niya ang gusto niya. Ikaw talaga Kuya!”

Maraming ni-like na comment si Kim nang mag-trending si Karylle nang ‘supalpalin’ ito ni Vice sa kanilang programa the other day sa isang portion nito.

Ito ‘yung ni-remind ni Karylle si Vice tungkol sa kanta na pri­nactice ni Vhong Navarro.

“Vice may request si Vhongskie. Kasi last time nag-rehearse siya sa umaga tapos binigay mo sa iba ‘yung kanta n’ya,” hirit ni Karylle.

“Ano’ng problema natin Karylle?,” sagot nito

Sagot ulit si Karylle : “Natatawa lang kami kasi prinactice raw niya.”

“E di sana kinanta mo.”

At nagtawanan ang mga iba pang host.

“Okay na ‘yun, Karylle,” sagot ulit ni Vice.

Maraming na-hurt for Karylle.

Sa tagal daw nito sa programa, hindi na ito dapat binabastos.

At dito na pumasok si Kuya Kim nang sumagot siya sa isang tweet na nagpapasalamat sa kanya sa suporta kay Karylle.

Sagot ni Kuya Kim, “@anakarylle is one of the kindest souls I know in showbiz. She will never talk negatively against anyone. I love Karylle.”

Ang daming nag-call out kay Vice sa nasabing pangyayari. “Oh so i am being called out. Yes i acknowledge sablay ako dun. Potah sablay again. Bawi po ako. Bawi right away,” tweet nang mag-trending na.

Pero ok daw sila. At kahapon ay parang normal na ulit ang lahat sa Showtime. “Story time! Magkakasama kami ni K at Tyang and Anne sa dressing room. Di daw sya naoffend when i asked her. But i still apologized. So to simplify WE ARE OK,” tweet niya pa.

At natutuwa pa nga siya dahil marami raw nanonood sa kanila kahapon.

Well, ganun na nga.

Kahit anong nega ng issue, ang bottomline pa rin ay pinag-uusapan sila.

Wala pang sagot si Kuya Kim na isang Kapuso na ngayon pero naging bahagi ng Showtime.