Kahit may sakit...
Kaya hindi ko puwedeng hindi mahalin si Kris Aquino dahil lagi siyang ready to help out kung kailangan mo siya, Salve. Dahil nasabi sa kanya ni Ronite @dpersonalshopperph na nagda-dialysis ako kaagad niyang pinatawag si Alvin para alamin kung ano ang kailangan ko at ibibigay niya agad.
To think na meron siyang sakit at nasa abroad siya. Talagang kahit love/hate ang relationship naming dalawa, hindi talaga nalimutan ni Kris ang naging friendship namin. Kahit kelan, sasabihin ko na walang mean bone si Kris, puwede na naughty siya, tactless pero magaan at bukas-palad siya dahil mabait ang puso niya.
More than anything gusto kong gumaling si Kris para sa mga anak niya.
Sana naman anuman ang sakit niya gumaling na at maging energetic siya uli. Kris will always be special sa lahat ng tao na natulungan niya, sa mga kaibigan niya, at lalo na sa nagmamahal sa kanya.
Pagaling ka, Kris, don’t stress yourself sa mga bagay na walang kuwenta, you are loved and you are worth the love.
Thank you, will always remember your sweetness and kindness.
‘Rampa pa rin...’
Nagtataka ako kung bakit parang shocked ang marami ‘pag naririnig na nagpapa-dialysis ako twice a week.
Para bang hindi na ako puwedeng mag-work, rumampa, o lumabas. Para bang end of the road na ang dialysis ko. Twice a week, four hours per session, naiirita ako sa process, pero wala na akong magagawa, iyon na talaga ang sinabi ng doktor ko, so behave na lang ako.
Pero sa mga araw na wala akong dialysis, balik sa normal ang sked ko, rampa pa rin ako. Sa edad ko na 76, siguro naman expected mo na hinay-hinay na rin dapat dahil matanda na. Pero likas akong lakwatsera, at kaladkarin, so rampa pa rin.