MANILA, Philippines — Kahit abo na lang ang bahay ni OPM legend Jaya, mapagpasalamat pa rin siya at ligtas siya at ang kanyang buong pamilya.
Sa isang Instagram post ng singer ngayong Lunes, nagbahagi siya ng litrato kung saan makikita ang kanyang bahay na sunog at basag ang mga salamin.
"God is so good! Our house just burned to the ground but we are all safe! I have no words but GOD IS GOOD!!!" saad niya sa caption.
Hindi naman mapigilan mag-alala ng ilang kaibigan niya sa industriya at nagkomento sa kanyang paskil.
"Prayers offered for you and your family. I thank God all of you are safe," ani Candy Pangilinan.
"Thank God your family is safe ???????? will be praying for you, Iyay," sambit naman ni Zsazsa Padilla.
"Guys!!!!!!! Oh [my] goodness. Praise God you are ok," komento naman ni Ogie Alcasid.
Nito lamang nakaraang taon nang lisanin ni Jaya ang Pilipinas upang manirihan sa US na siya aniyang "best decision ever made" niya. — Philstar.com intern Vivienne Audrey Angeles