Tipik kana sa caption ni Kylie Versoza niining mga hulagway nga iyang gibalandra sa Instagram tulo ka mga adlaw ang nilabay. Daw haom ang maong linya niya sanglit padayon siyang nag move on human sa break up nila ni Jake Cuenca.
Kasamtangan niyang gi-promote karon ang iyang latest movie nga "Ikaw Lang Ang Mahal" nga gipalugwa sa VivaMax duha ka semana na ang nilabay, diin gipakpakan sa mga kriteko si Kylie kay maayo matud pa ang iyang pag-arte niining maong pelikula kauban si Zanjoe Marudo.
Gani, may mga niingon nga mao kini ang labing maayo nga pelikula ni Kylie sa tanan niyang mga nahimo na ug dinhi, maisip na gyud matud pa siya nga aktres.