Toni at Paul, ‘di kayang tumanggi sa trabaho
May tsismis sa showbiz na buwisit kung hindi man galit ang ilang showbiz workers at personalities sa mag-asawang Toni Gonzaga at direk Paul Soriano, huh!
‘Yun ay dahil sa involvement nila sa UniTeam nina Bongbong Marcos at Sara Duterte! As we all know, si Toni ang naging host sa proclamation nina Marcos at Duterte sa Philippine Arena.
May balita namang si direk Paul ang nagdirek ng TVC ng dalawang kandidato.
Naku naman, isyu ba ‘yan? Trabaho ‘yan. Hindi naman nila alam ang political inclination ng dalawa. Involved man sila sa Marcos-Duterte campaign, hindi naman natin alam kung iboboto nga ng mag-asawa ang dalawa!
Magsitigil nga kayo sa pambibira kina Paul at Toni! Hayan, nawalan tuloy ng trabaho sa Pinoy Big Brother si Toni!
Willie, hinihintay na ang pahayag
Malamang na mataas ang ratings ngayon ng Tutok To Win ni Willie Reviilame!
Una, last day na sa GMA ng kanyang show. Pangalawa, magsasalita na siya kaugnay ng pagkawala nila nito sa ere at sa balitang lilipat siya sa broadcast network ni Senator Manny Villar.
Sari-sari nang balita ang naglalabasan kaugnay ng show ni Willie kaya kailangan na niyang magsalita, huh!
Basta nabanggit niya sa isang episode ng show, “Mawawala na kami sa ere!”
- Latest