Tsina? Kebs lang: Gerald Anderson, Julia Barretto nangisda sa West Philippine Sea
MANILA, Philippines — Walang-takot na talaga ang showbiz couple na sina Gerald Anderson at Julia Barretto sa paglalantad ng kanilang relasyon sa ngayon — kahit Tsina pa ang kaharap.
Matapang kasing ipinakita ng celebrities ang kanilang panibagong bonding activity nitong Martes: ang pangingisda sa West Philippine Sea na pilit inaangkin ng gobyerno ng Beijing.
"Enjoying the sunrise of our beautiful country in the West Philippine Sea," wika ng kontrobersyal na aktor sa isang litrato kahapon para sa fishing trip nila ni Julia.
"The best things in life come with patience," dagdag pa ni Gerald sa Instagram habang tangan ang pagkalaki-laking isda.
Kita ring nakangiti sa mga litrato si Julia habang nag-aabang ang dalawa na kumagat sa pain ng pangbingwit ang mga isda.
Tila sayang-saya rin ang 24-anyos na aktres sa nasabing karanasan at tinawag pa itong "Moments we live for."
Bagong 'diplomatic protest' sa West PH Sea
Nataon ang pagpunta ng celebrity jowaers doon isang araw bago maghain ng diplomatic protest ang Department of Foreign Affairs dahil sa pananatili ng 240 Chinese ships sa West Philippine Sea — isang lugar sa loob ng exclusive economic zone ng Pilipinas.
"The National Task Force for the West Philippine Sea denounces the continuous swarming in the WPS by Chinese Coast Guard (CCG) and Maritime Militia which are claimed by Chinese authorities to be ordinary fishing vessels," ayon sa statement ng NTF-WPS kagabi.
Ilang araw pa lang ang nakalilipas nang tabuyin ng missile boats ng Tsina ang crew nina ABS-CBN News reporter Chiara Zambrano, na bibisita sana sa Ayungin Shoal. Sa nabanggit na lugar kasi naglalagi ang Philippine Navy sakay ng BRP Sierra Madre.
"China must be held to account for its aggressive imperialist acts, not only for them to leave Julian Felipe Reef but also to salvage the country's dignity from the administration's humiliating servile relationship with China," ayon kay Bayan Muna Rep. Isagani Zarate kanina.
"Finally, the administration of Pres. Duterte should now prioritize and advance the country's own interests."
- Latest
