Wow, for 1 peso, puwede ka nang makapanood ng pelikula at the comfort of your home.
Yup, as in para ka lang bumili ng candy, puwede na. Ito ang initial offering ng Globe’s GMovies x Upstream.
Yup, fourteen movies agad ang handog nila so kung papanoorin n’yo lahat, P14 lang.
Sa GMovies x Upstream rin this year mapapanood ang Metro Manila Film Festival 2020.
Sa mga hindi pa aware, digital edition ang MMFF 2020. Sadly, epekto pa rin ng coronavirus pandemic na nagpabago ng buhay ng lahat ngayong 2020 ang habit sa panonood ng sine.
Pero bago nga ang actual filmfest, up na ang GMovies with P1 na magsisilbing trial.
Mabilis lang ang panonood - merong mobile app na ‘pag nag-open ka na, magbabayad ka lang ng piso at ayun na. Popcorn o junk food na lang ang kailangan mo. And once na masimulan mo na, kailangan mong tapusin ang nirentahan mong pelikula.
Puwedeng ma-expire ang rental for five days after ng payment.
Sa Zoom press launching last Saturday morning ng GMovies, kabilang sa 14 movies ang Shake, Rattle & Roll 3 nina Kris Aquino, Janice de Belen and Ogie Alcasid.
Kasama rin sa mga pelikulang mapapanood dito ang Dahas ni Maricel Soriano, Richard Gomez and Tonton Gutierrez; Woke Up Like This - Vhong Navarro, Lovi Poe; Ang Babaeng Putik - Klaudia Koronel, Carlos Morales; The Debutantes - Sue Ramirez, Miles Ocampo, Michelle Vito and Jane de Leon; Bala at Lipstick - Roderick Paulate and Zoren Legaspi; Daddy’s Little Darlings - Dolphy, Coney Reyes, Snooky Serna; Deliryo - Giselle Toengi and Jomari Yllana
Maaari rin mapanood sa halagang P1 ang Starzan ni Joey de Leon and Zsa Zsa Padilla; Bihagin: Bilibid Boys - Al Tantay, Mark Gil, Gabby Concepcion, Alfie Anido and William Martinez; Yesterday, Today, Tomorrow starring Maricel Soriano, Gabby Concepcion, Lovi Poe, Dennis Trillo, Carla Abellana, Solenn Heusaff and Jericho Rosales; Inday Bote At Ang Mahiwagang Bibe starring Maricel, William Martinez and Richard Gomez.
Balikan din ang classic movie na Sinungaling Mong Puso nina Vilma Santos, Gabby Concepcion, Aga Mulach at Alice Dixson; Rakenrol starring Jason Abalos, Glaiza De Castro, Ketchup Eusebio, Alwyn Uytingco, Diether Ocampo at iba pa.
Dito rin ipalalabas ang movie ng Asia’s Next Top Model 5 winner Maureen Wroblewitz na Runaway na sa New Zealand pa nag-shooting with Kit Thompson.