CEBU, Philippines — Sa ikaduhang higayon, gikatahong nakasugat napud og kakulian ang umaabot nga show ni Kris Aquino sa TV5. Dili napud matino kun kanus-a ang pag-ere niini. Giingong wala nagkasinabot si Kris ug ang iyang producer.
Lig-ong relasyon
Gitataw nila ni Jose Sarasolan ug Maria Ozawa nga nagkalig-on og samot ang ilang relasyon. Wala katumpag kanila ang istado nila nga long distance relationship o LDR.
Sarah target ni Pauleen
Gipangandoy ni Pauleen Luna nga ma-interview niya puhon ang singer nga si Sarah Geronimo. Suma pa ni Pauleen dugay na gyud niya nga giidolo ang maong singer. Usa si Pauleen sa mga host sa programang Chika Besh sa TV5 kun diin kauban niya sila si Pokwang ug Ria Atayde.
Espesyal nga bisita
Usa si Nadine Lustre sa mga bisita sa birthday celbration sa inahan ni James Reid sa dili pa lang dugay. Taod-taod na nga gidungog nga nagbalik ang duha.
Duna ka tuig na
Wala gyud malimti ni Kathryn Bernardo ang 2nd anniversary sa pelikula nila nila ni Daniel Padilla nga The Hows of Us niadtong August 29.
Nag-post si Kathry sa Instagram og behind the scene photos sa maong pelikula.
Dugay ra nga single
Gibutyag ni Albie Casiño nga usa ka tuig na siya nga single. Una na nga gibutyag sa aktor nga gusto niya himoong pribado ang kasikas sa iyang kinabuhi.
Mipahuway sa social media
Gipahibalo sa singer nga si Juan Karlos Labajo nga mopahuway una siya sa social media.”Matagal akong mawawala. Salamat. Ingat. Hanggang sa muli. Paalam,” suma pa niya.
Debut single ni Elisse
Gi-release na sa Star Pop sa miaging adlaw ang debut single ni Elisse Joson.
Ang maong awit nag-ulohan og "Halika Na" ug madungog na sa nagkadaiyang digital platforms.
Nahimong talent si Elisse sa Star Pop sa dihang naghimo siya og cover kaniadto sa “Tagu-Taguan” alang sa pelikulang “Sakaling Maging Tayo” .
Alden ug Jasmine magpares
Si Jasmine Curtis-Smith maoy kapares ni Alden Richards sa usa ka episode sa bag-ong drama anthology sa GMA-7. Una na nga gibutyag ni Alden nga komportable ra siya kang Jasmine kun makauban niya kini sa usa ka proyekto. Mapasalamaton si Alden sa iyang mother network gumikan kay gidugangan ang iyang TV show.
Palagot sa kontra
Wala ra matandog si Kiray Celis sa gipanulti sa iyang bashers kalabot sa iyang sexy photos sa social media.
Suma pa ni Kiray nga suportado ra sa iyang boyfriend ang maong mga hulagway.
“Daming curious kung di ba nagagalit jowa ko sa mga post? Ayan! Number one liker! Supportive ‘yan. Alam mo dapat limitasyon mo. Gang tingin lang sila,” niya pa.
Suma pa ni Kiray nga proud siya sa pamorma sa iyang lawas.
“Proud ako sa pwet ko. Yung iba nga diyan di nagpopost ng sexy pero ang dami palang kausap na iba habang may jowa!, dugang pa niya.
Robi mibiya na sa MYX
Nanamilit na si Robi Domingo sa iyang trabaho isip usa sa mga MYX VJ.
Nagbalik lantaw si Robi sa dihang nidaog siya sa MYX VJ search niadtong 2008 .
“Found this big cheque the other day near my closet. Whenever I see this, I remember that night in Trinoma for the Myx VJ search in 2008, and also the value of it,” suma pa niya.
Tungod sa pagkalakip niya sa maong music channel , nahinabi gyud niya ang mga nagkalain-laing personalidad sa music industry.
“I get to speak my mind. I get to speak to talented artists. I get to speak about music videos and more. I get to speak with the best of the best personalities. I get to speak about what’s right,” dugang pa ni Robi.
Giklaro ni Robi nga bisan dili na siya VJ, magpabilin gihapon ang operasyon sa MYX busa gihangyo niya ang iyang fans nga magpadayon sa pagsuporta niini.
Pinay nakadaog sa The Voice Kids-UK
Ang Pinay singer nga si Justine Afante maoy napili nga grand winner sa ikatulo nga season sa “The Voice Kids UK"
Nikulit og dakong atensyon ang pag-awit niya og “Listen” .
“I think we all need to gather our thoughts, don’t we? Justine, technically, what you’re doing there is unbelievable. Like it is unbelievable for thirteen years old. And you came on that stage and look so calm, composed, professional. And most of all, just effortless. And what an amazing way to kick off this final. Well done,” suma pa sa usa mga coach sa maong show nga si Danny Jones.
Nahugyaw usab sa iyang performance ang laing coach nga si Will.i.am.
“Spectacular. Like there was not one low, dull moment in that performance. Everything was — it just kept getting better and better. Like your finale, how you ended it, wow,” nagkanayon si Will.i.am.
Melissa ug non-showbiz BF engaged na!
Engaged na ang aktres nga si Melissa Ricks ngadto sa iyang non-showbiz boyfriend nga si Michael Macatangay.
Nahitabo ang proposal sa miaging gabii didto sa Batangas. Ang Star Patroller nga si Gretchen Fullido maoy nipahibalo niini pinaagi sa Instagram.
Una na nga gibutyag ni Melissa nga tubag sa iyang pag-ampo ang lalaki nga naabot sa iyang kinabuhi.