FASTFACTS
Name: Glenn Maverick C. Niñeza
Nickname: Mave
Birthday: January 18, 2000
Address: Bato, Toledo City, Cebu
School and Course: University of Cebu - Main Campus (BS in Mechanical Engineering)
Height: 5’10
Weight: 75 lbs.
Genre/s: Pop, Rap, Acoustic, A capella, Soul
Favorite Color: Blue
Winning Piece: Brave by Sara Bareilles
Favorite Singers: Bruno Mars, Jason Derulo, Nathan Sykes
Celebrity Crush: Lily Collins
Motto: “Winners never quit, quitters never win”
Titles/Achievements in Life:
VEE Model
Theatre Actor
UC Breakout Artist
Sinulog Idol Season 11 - 7th placer
Pagpamatuod nga dili lang ang kagawapo ug ang maayong barog ang mahimong maidalit sa 20 anyos nga si Glenn Maverick Niñeza kinsa nahimong kabahin sa Sinulog Idol Season 11 ug nitapos isip 7th placer sa maong prestihiyoso nga kompetisyon.
Nakaingon si Mevereck sa iyang kaugalingon nga duna pa diay siya’y nagpahipi nga talento nga dili angay ikaulaw.
Gitug-an niya nga mahiligon na gyud siya nga magkanta-kanta apan dili pa gyud igo ang iyang kompyansa kaniadto nga mosalmot og kompetisyon.
Nasayran ni Maverick nga kamao sab gyud diay siya nga mokanta sa dihang nianam-anam og saka ang iyang edad.
“Wala sab gyu’y nagtudlo nako kay hilig man sab gyud ko og tan-aw og mga international singing competitions pareho sa ‘The Voice’,’ American Idol’, ug mga singing competition sa internet. Nagamit gyud nako ang mga advices nga nakuha sa contestants. Sariling sikap ra jud”, suma pa ni Maverick.
Tungod kay aduna siya’y basic nga mga nahibaw-an sa pagkanta, miapil siya sa usa ka singing competiton sa ilang tunghaan sa Bato National High School didto sa Dakbayan sa Toledo ug gani, midaog siya.
Napanglantawan ni Maverick nga aduna siya’y maayo nga mapupo og ipadayon niya ang iyang pagsalmot og mga singing contest apan tambag sa iyang mga ginikanan nga dili pasagdan ang iyang pagtuon.
Pag-abot niya sa Cebu City, lahi nga linya ang iyang gisudlan gumikan kay naabot siya sa kalibutan sa pagrampa or modeling.
Istorya pa ni Maverick nga tuig 2018 sa dihang gisugdan kini niya human siya nadiskubre sa nangulo sa Vee Models nga si Lyric Roma human og nisalmot sa Mr. Gaisano kun diin kutob lang siya sa Top 15.
Kanunay siya ingnon sa iyang manager nga taas-taas gyud siya og maabtan sa gisudlan niya nga industriya.
Sa duha ka tuig niya sa maong industriya, inanay sab gyud nga nilambo ang iyang kompyansa sa iyang kaugalingon kun diin dili na siya ingon nga mauwaw kun mopaso ug mobarog atubangan sa kadaghanan.
Gani, kay uhaw na sab siya og exposure, ang ubang talento nga anaa kaniya inanay na sab niya nga gipakita mao nga gisulod niya ang Sinulog Idol karong tuiga.
Gitug-an ni Maverick nga nagtuo siya nga ang maong kompetisyon moderetso og tungtong sa entablado apan nasuta niya nga magpaubos pa diay siya og mga nagkadaiyang workshop kun diin mao kini ang nagpahulma kaniya aron nga mamahimong maayo nga performer.
Dugang pa ni Maverick nga dili gyud niya mahimong hikalimtan ang Sinulog Idol gumikan kay mao kini ang kanunay nga magpahinumdom kaniya nga kinahanglan gyud sa usa ka performer ang maayong pamatasan aron magmalampuson sa gisudlang industriya sa musika.
“Dili gyud nato matag-an kung unsa ang mahitabo after the competition, mao nga I am giving a good attitude toward others ug mao gyud na ang pinaka-important kay bisan si kinsa nga matawo nga atong makaila, kung makauyon sila nato, dako og possibility nga mao ni ang motabang nato to lift us up and I would also do the same nga motabang sa uban kay kalipay gyud na nato ang naay malipay sa atong ginagmay nga tabang”, suma pa ni Maverick.
Gumikan sa Sinulog Idol, nagkasaka gyud ang iyang karera sa pagkanta nga wala gyud niya damha.
“Sinulog Idol changed me a lot. It changed me to become a better person as well as a better performer. I didn’t have workshops before which made me less confident about my abilities in performing. But when I got a spot in Sinulog Idol Season 11 , it helped me realize that I have the potential and the charisma”, ni Maverick pa.
BNH: Unsa ang labing lisod nga kaagi nga imong nasinati sa imong kinabuhi?
MAVERICK: The lowest point nga nahitabo sa akong life sa dihang akong parents got separated. I had to wake up everyday and pretend that it was just a dream. It was horrible but I got used to it eventually. Gi-cope up ra sab nako nga sa paghunahuna nako nga kaya ko ni. And nag-think ko nga ma okay ra ni ,ilabi na nga naa ra sa akong kiliran si God .
BNH: Gawas nga mahimong usa ka singer, unsa ang imong mga damgo ug plano sa kinabuhi?
MAVERICK: To become an actor.
BNH: Isip alumnus, unsaon nimo pagdasig ang uban nga mosalmot sa Sinulog Idol?
MAVERICK: Sa tanang gusto nga moapil og Sinulog Idol, just be yourself because mao nay importante. Sinulog Idol is not an ordinary singing competition. Kinahanglan nga total package gyud , mag-uban gyud na ang talent, ug attitude . Ayaw jud mo pag- inattitude. Basta guys, win or lose, daghan kay mo’g makat -onan jud ani nga competition. Makuwangan pa gani ka’s time kay ganahan paka’g more. God bless you all!