CEBU, Philippines — Niulbo karon ang report nga niatras na gyud si James Reid sa teleserye nga Soulmate kun diin makapares unta niya ang miyembro sa Momoland nga si Nancy.
Matud pa sa tinubdan sa Banat News Hugyaw, giingong nakakita na ang ABS-CBN ug ikapuli kang James alang sa maong proyekto. Una na nga nigawas ang tsika nga nagselos si Nadine sa tandem nila ni James ug Nancy.
Giingong ganahan unta kaayo si James sa maong proyekto apan niatras nalang kini aron dili sila mag-away ni Nadine. Si Joshua Garcia matud pa maoy ihulip kang James isip kapares ni Nancy. Giingong si Joshua maoy first choice sa maong proyekto sa wala pa kini gihatag kang James,
Wala pa mohatag og statement ang ABS-CBN kalabot niini.
Nag-date sa Indonesia?
Human sa breakup nila ni Marlon Stockinger, gikatahong naka-kaplag na og bag-ong hinigugma si Pia Wurtzbach.
Na-link karon ang pangalan ni Pia ngadto sa travel editor-entrepreneur nga si Jeremy Jauncey.
Gikatahong nag-uban ang duha sa pagsugat sa bag-ong tuig didto sa Indonesia.
Sa tagsa-tagsa nila nga post sa Instagram, nabatyagan sa netizens nga susama og lugar ang giadto nila ni Pia ug Jauncey hinungdan niulbo ang maong pagduda.
Catriona pasok sa It’s Showtime
Mahimo na nga usa sa mga host sugod karong adlawa si Miss Universe 2018 Catriona Gray sa Kapamilya noontime show nga It’s Showtime.
Nagsagunson karon ang mga proyekto ni Catriona sa ABS-CBN.
Dili pa lang dugay, gipahibalo usab sa beauty queen nga duna siya’y gisuwat nga libro.
Gipaabot usab sa kadaghanan ang pagsulod ni Catriona sa music world.