Pambato Ng Singapore sa Miss U, dito nag-training

SEEN: Liberal minded ang mga miyembro ng MTRCB dahil ipinasa nila ang maseselan na eksena nina Cindy Miranda at Rhen Escano sa Adan, ang boldest movie of the year. Ngayong gabi, November 18, ang red carpet premiere ng Adan sa Cine­ma 1 ng SM Megamall. Kahit nag­hubad sa pelikula, inimbitahan ni Cindy   sa premiere night ang kanyang mga kamag-anak mula sa Nueva Ecija.

SCENE: Wagas ang mga topless at kissing scenes nina Cindy Miranda at Rhen Escano sa Adan na dinirek ni Roman Perez, Jr. na para hindi mailang ang kanyang mga artista, topless din siya nang kunan ang mga sexy and daring scenes nila.

SEEN: May special participation si Epy Quizon sa Adan bilang pulis na nag-imbestiga sa isang murder case. Naglalagablab ang sex scene nina Epy at Cindy Miranda.

SCENE: Ilusyon lang ng aktor ang claim nito na may girlfriend siya na very private kaya ayaw mababanggit ang pangalan sa mga interbyu. May gay benefactor ang aktor kaya kahit kailan, hindi niya puwedeng i-reveal ang identity ng karelasyon.

SEEN: Ang The Cove ng Okada Manila ang venue sa November 21, ng world finals ng 1st Global Asian Model (GLAM), ang international mo­deling competition na brainchild ni Jonas Gaffud. Lilipad din si Jonas  sa Atlanta, Georgia para sa coronation night ng 68th Miss Universe na suportado ang mga kandidatura nina Gazini Ganados ng Pilipinas at Mohana Prabha ng Singapore. Si Jonas ang creative consultant ng Miss Universe Singapore.

SCENE: Bumisita si Miss Universe Singapore Mohana Prabha sa Pilipinas dahil dito siya nag-training. Live na mapapanood sa ABS-CBN ang telecast ng 68th Miss Universe sa December 9.