CEBU, Philippines – Suma pa sa duha nga sa dihang nabasa nila kaniadto ang storyline niini, nakuryuso sila gumikan kay aduna kini mabulukon nga mga eksena ug modalit og supresa o twist ngadto sa viewers.
Ipatigbabaw sa maong teleserye ang pagtulun-an kabahin sa pagsinabtanay, pagpinasayloay, pagpaubsanon ug ang paghigugma sa pamilya.
Tsika pa ni Andrea nga panahon nga mausab na pud ang panglantaw sa mga tawo kaniya, sanglit nailhan siya kaniadto isip sexy nga actress.
“Sa show na ito, makikita ninyo ang Andrea version na mabait at sweet,” saysay pa niya ngadto sa mga miyembro sa Cebu Entertainment Group.
Sa wala pa ang “The Better Woman” nilugwa si Andrea kaniadto sa teleserye nga “Victor Magtanggol,” “Contessa,” ug “Alyas Robinhood.”
Dakong hagit alang kang Andrea ang The Better Woman gumikan kay duha ka karakter ang iyang gidala.
Nidala siya isip Jasmine, ang kapikas ni Andrew (Derek) nga tag-iya og resort.
Nagtakilid ang ilang kaminyuon sa dihang naabot sa ilang kinabuhi ang laing karakter ni Andrea nga si Juliet, ang iyang kaluha nga dugay-dugay na niya nga wala makit-i.
“Tinanggap ko naman yung bagong challenge. Every time na nasa taping ako parang nag- wo-workshop. I am very grateful na binigyan ako ng pagkakataon with GMA to show different side of me,” dugang pa sa aktres.
Ang “The Better Woman” maoy labing una nga big project ni Derek sa GMA -7 human siya nipirma og kontrata niini niadtong Abril.
Nagikan si Derek sa ABS-CBN ug TV5, ug wala niya palabya maayong opurtunidad nga gitanyag sa GMA kaniya.
“There was no transition. The staff and GMA made me feel welcome. Sanay naman tayo sa mga ganito,” saysay pa ni Derek. Katapusang TV show niya mao ang “Kidlat” sa TV 5 busa lahi na pud ang pag-adjust nga iyang pagahimuon.
“Feeling ko, parang nagsho-shoot kami ng movie. This one has a feel like a movie and at the same time we took risk. Yung restrictions sa television no, we took up the risk trying to portray sexy and romantic scenes. It is really hard,” dugang pa sa aktor.
Gibutyag nila ni Derek ug Andrea nga wala nila sirad-i ang posibilidad nga magkadayon sa tinoud nga kinabuhi ilabi na nga pareho sila nga single.
“Mabait naman si Derek, naging komportable kami agad sa set,” matud pa ni Andrea.
Samtang gipaneguro ni Andrea nga kun makaplagan man gani niya ang bag-ong mopapitik sa iyang kasing-kasing, kinahanglan gyud nga seryoso gyud kini sa ilang relasyon.
“Kahit sinong tao naman, gusto yung long term relationship. Kasi talagang fully-committed ako kung papasok ako sa isang relasyon,”matud pa ni Andrea.
Samtang si Derek sa iyang bahin, nilenggua kini nga dili ra pud lisod higugmaon si Andrea.
“Nadiskubre ko, magaling siya na aktres, mahal niya ang family niya. Very sweet, kaya nakaka-wow ,” matud pa sa aktor.
Bea: Wala mi magbuwag
Kun si Bea Alonzo maoy pangutan-on, wala pa sila magbuwag ni Gerald Anderson.
Suma pa niya sa hamubo nga interview nga gi-upload sa Tonight With Boy Abunda Facebook page, kalit na lamang matud pa nga wala na mutagad si Gerald kaniya.
“Honestly, to my understanding, we did not break up. He (Gerald), just started not talking to me,” suma pa niya.
Apan suma pa ni Bea, padayon ang iyang kinabuhi, hinungdan nga nitunga siya story conference alang sa umaabot nga pelikula niya sa Star Cinema kauban sila si Angelica Panganiban ug Richard Gutierrez diin didto siya nahinabi sa mga tigbalita.
Dugang pa ni Bea nga gimatuto usab siya sa ABS-CBN isip “professional” hinungdan nga nitunga siya bisan pa man sa panghitabo sa iyang personal nnga kinabuhi.
Una na nga niulbo ang balita sa miaging adlaw nga matud pa nga gisultian na ni Gerald ang amahan ni Julia Barretto nga si Dennis Padilla nga buwag na sila sa aktres.
Giingong nilenggua usab si Gerald nga nanguyab na siya kang Julia. Nitumaw usab ang tsika nga mao usab kini ang gibuhat ni Gerald ngadto kang Sarah Geronimo kaniadto nga kalit lang wala managad.
Bagong news program sugdan karon
Sugod karong adlawa , ang GMA Regional TV molangkat na pud og laing sa broadcast history gumikan kay molawig na nationwide ang local newscasts pinaagi sa “GMA Regional TV Weekend News” nga i-ere sa GMA News TV matag Sabado, 5:00 pm. Manukad sa Luzon, Visayas, ug Mindanao, ang GMA Regional TV Weekend News mohatud sa nagbaga nga balita ug ug inspiring features nga ihatod sa Kapuso news personalities nga nagikan sa award-winning ug top-rating local newscasts nga Balitang Amianan, Balitang Bisdak, One Western Visayas, ug One Mindanao.
Sa pilot airing karong hapon, ang Balitang Bisdak personalities nga sila si Cecille Quibod-Castro, Alan Domingo, ug Lou Anne Mae Rondina maoy news anchors sa GMA Regional TV Weekend News. Sila si CJ Torida, Jasmin Gabriel-Galban, ug Joanne Ponsoy sa Balitang Amianan, mao usab ang modumala niini sunod Sabado.
Mosunod usab line-up sila si si Atty. Sedfrey Cabaluna, Adrian Prietos, ug Kaitlene Rivilla sa One Western Visayas. Pagasundan dayon nila ni Tek Ocampo, Sarah Hilomen-Velasco, ug Real Sorroche sa One Mindanao.
The Aida patana show karong adlawa na!
Magsugod na karong adlawa ang matag-Sabado nga programa sa 97.7 Energy FM nga “The Aida Patana Show”, 11-12 noon. Makauban sa “Yaya Ng Mga Artista sa Cebu” sa maong show sila si Adrian Diongzon, Crystabel Aberasturi, Stephanie Lhui, Kiara Liane Wellington Grasya Baquero ug Brad Chito
Tukion sa maong programa ang mga nag-una nga kasikas sa showbiz inubanan sa mga blind item.
“Dugay na kaayo ni nga plan busa thankful ko kay nadayon na gyud,“ suma pa ni Aida kinsa nilenggua nga naghinam-hinam na siya sa pagpanibya.
Gumikan sa lapad nga koneksyon ni Aida sa showbiz, dali ra gyud siya makabaton og update sa mga artista.
Si Aida maoy tag-iya sa M-Talents Events and Promotions nga maoy nag-una nga supplier og mga artista sa bisan unsa nga kalihokan sa Kabisay-an.
Nasayod na si Aida sa mga artista nga buotan kaayo, ug duna puy mga artista nga matud pa labad sab katrabaho.
Pipila sa mga pinangga kaayo niya nga artista mao sila si Ian Veneracion, Daniel Matsunaga, Ejay Falcon, Alden Richards, Niel Coleta, ug Carlos Agassi.
Nasayran nga labihang bisiha ni Aida karong panahona gumikan kay gawas sa iyang negosyo, busy usab siya sa pagpangandam isip kandidata sa Mrs. Philippines World 2019 .
Sa Europe pagahimoon ang maong indigay karong October ug nagpanikad na siya og maayo niini.
Nagtangag og adbokasiya si Aida busa gilusad niya duha na ka semana ang nilabay ang livelihood program niya nga gitawag og “Pangkabuhayan Showcase ni Aida” kun diin ubay-ubay nga kababaenhan ang makabenipisyo niini.
Tungod sa maong adbokasiya, naumol usab umaabot niya nga show sa CCTN-47 nga Pangkabuhayan Showcase ni Aida .
Nagkanayon si Aida nga bisan sa ginagmay nga negosyo, seguradong moasenso gyud basta ubanan lang gyud og pagkugi.
Nakahatag og inspirasyon si Aida sa ubang kababaenhan nga naningkamot gyud aron moasenso bisan paman sa mga naagian nga pagsulay.
Mapasalamaton usab siya kang Señorito Michel Lhuillier nga maoy iyang mentor sa natad sa pag-negosyo ug nihatag gyud kini og dakong suporta sa iyang livelihood program alang sa kababaenhan.