CEBU, Philippines — Daghan ang kuryoso kun aduna ba’y relasyon ang Sugbuanong aktres nga si Dionne Monsanto ngadto kang Dave Moffatts sa grupong “The Moffatts”. Naukay ang kadaghanan tungod sa gi-post sa aktres sa mga social media accounts niini kun diin nagpahipi ang usa ka misteryoso nga kapsyon nga matud pa nga gikantahan siya sa singer niadtong na-brokenhearted siya. Sa maong hulagway, tam-is usab gyud ang ilang pagtan-aw sa usa’g-usa. Wala na modetalye pa si Dionne mahitungod sa maong hulagway.
Makauban ang unang pares
Gitug-an ni Joem Bascon nga excited na siya nga makauban pagbalik si Iza Calzado alang sa pelikula nga “Culion”. Matud pa ni Joem nga si Iza ang labing unang leading lady nga iyang nakauban sa iyang pagsugod sa pag-arte.
Uyon kang heaven
Uyon usab diay si Jinkee Pacquiao sa karelasyon karon sa iyang anak nga si Jimuel ngadto si Heaven Peralejo. Usa sa midepensa si Jinkee ngadto sa mga nag-bash karon ni Heaven nga matud pa nga kwarta lang ang apas niini ngadto kang Jimuel. Matud pa ni Jinkee nga usa sa iyang nauyunan ngadto sa aktres mao nga duol kini sa Ginoo nga mao ang number one requirement alang sa iyang mga anak kun mangita og kapares sa kinabuhi.
Mensahe alang sa hopefuls
Wala man makaabot sa press conference si Jennylyn Mercado sa Starstruck apan mibilin lamang kini og maundanon nga mensahe alang sa mga hopefuls. “Sa mga bagong batch ng hopefuls nasa tagline na ng show ang mga kailangang tandaan para sa kanilang artista journey. Just believe in the power of your dreams to survive StarStruck”, mensahe pa ni Jen.
Maka-relate
Tsika pa sa Kapuso star nga si Shaira Diaz nga maka-relate siya sa iyang karakter isip usa ka breadwinner sa pelikula nga iyang gilakipan nga ‘Because I Love You” kun diin makauban niya ang Kapuso hunk nga si David Licauco. Matud pa ni Shaira nga breadwinner sab siya sa iyang pamilya sukad nga nagbuwag ang iyang ginikanan.
Kritikal gihapon
Hangtud karon, kritikal gihapon ang beteranong aktor nga si Eddie Garcia human nga maaksidente sa miaging semana atol sa shooting sa usa ka teleserye sa Kapuso Network. Suma pa sa doktor niini nga si Dr. Artemio Salvador nga lapad gihapon nga obserbasyon ang gihimo nila sa kondisyon sa aktor.
Gipistahan nga eksena
Patok karon sa online world ang eksena nila ni Mariel ug Gary nga gidala nila ni Sanya Lopez ug Pancho Magno sa serye nga ‘Dahil Sa Pag-Ibig”. Miabot na kini og kapin 3.7 million views tungod sa ka-intense niini.
Mahadlok ni marian
Wala gyud nagpugong-pugong ang aktor nga si Dingdong Dantes sa pagtubag kun kinsa ang mas gikahadlukan niya, ang iyang asawa ba nga si Marian Rivera o ang direktor sa pelikula nga iyang gibidahan. Diretso nga mitubag ang aktor nga si Marian ang angay nga kahadlukan.
Viral ang video
Anaa sa labing una nga spot sa Youtube ang video sa pagbalik sa sexy hipon nga si Herlene sa ‘Wowowin’. Usa kini ka co-host ni Willie Revillame sa iyang show. Miabot na sab sa kapin 3.2 million views ang maong video.
Singer, dili dancer
Nagpasalamat ang kanhi sexbomb dancer si Rochelle Pangilinan nga niabot og kapin 10 million views ug 1 million likes ang video niya kauban ang iyang anak nga si Shiloh Jayne. Gikantahan niya ang iyang anak og ‘Can’t Take My Eyes Off You’ kun diin lami gyud nga mipahiyom ang iyang anak ug misabay sab kini.Gibutangan kini og kapsyon ni Rochelle nga ‘Singer kami hindi dancer”.