Happy March mga BisChikadora! Daghan kaayo ang mga status sa social media nga be good to me March! Para mas ma Hugyaw ang imong Marso ayaw og tapol-tapol—ang angay buhaton nimo kay ang molihok. Ang uban gani kay gipaspasan na ang pag gym kay nagkaduol na ang ting-init, alam’s na basta summer rampa sa mga lawas sa kadagatan. Noh? Murag akong belbel exercise di pa maapas karung ting-init kay lisod ang pagpagamay sa belbel! Hahahahaha! Apan bisan paman niana, wala ko nawagtangan sa paglaum nga usa ka adlaw niana mogamay ang akong lawas ug mu-ubos akong timbang! Ayaw nako imbitaha og kumbira…utang buot! Hahahahahhaa!
* * *
Sa laing bahin, Congratulations sa Palm Grass The Cebu Heritage Hotel para sa ilang ikatulong tuig sa kapihan ni Lumaya Library Restaurant. Ang ilang dakong selebrayon gitawag kini nila og Kaon, Kanta, Balak. Nahimong usa sa mga hurado ang inyong Yur’s truly para sa ilang Bangga sa Awit. Nagtigi ang mga contestants pinaagi sa pagkanta sa usa ka original Cebuano love song “ Paglangyaw” nga awit kabahin sa pagbangotan gumikan sa pagkawala sa hinigugma apan malaumnon gihapon sa gugmang may katumanan. Maka maoy ang lyrics sa kanta ug kauban nako nga najudge sa maong bangga sa awit ang singer mismo nga Joannah Sy—ang Top 32 sa The Clash of GMA Singing contest nga ang winner si Golden Canedo. Dili lang na, ana usab ang banggiitan nga si DJ Boy Kirat sa 93.9 iFM.
Lamiang nga panihapon ang giandam kanamo ug didto nako natilawan ang ilang best seller nga Tablea cake ug Yemma cake nga Hugyaw gyud sa kalami. Mas nisamot pa gyud kini kaHugyaw kay adunay acoustics nga maka emote ka sa mga kanta. Tungod kay hapit na ang ting-init susiha ang ilang Ting Init Promo!