CEBU, Philippines — Excited nga gipahibalo ni Heart Evangelista ngadto sa iyang fans nga hapit na niyang ipagawas ang Pinoy-made clutch bag collection diin siya mismo ang nagdesinyo. “I’m beyond excited to launch this bag I designed! Stay tuned to know all the details of when and where I’ll be selling them,”post pa sa aktres.
Napuno og saway
Napuno og pagsaway sa social media ang Pinoy Big Brother Otso contestant nga si Sansan Dagumampan tungod sa opinyon niini kalabot sa mga bisexuals o mga silahis. Daghan sa mga myimbro sa Lesbian Gay Bisexual and Transgender o LGBT community ang nalain sa maong pamahayag.”Kadiri kaya yung pumapatol ka sa babae at sa lalaki,”nagkanayon ang maong housemate.
Duha na katuig
Gisurpresa ni Marlon Stockinger ang uyab niini nga si Pia Wurtzbach pinaagi sa usa ka dinner date atol sa ilang second anniversary isip manag-uyab. Sigon pa ni Marlon, birthday wish ni Pia nga magkadate silang duha og balik kay taud-taud na nila kining wala nabuhat tungod sa ilang kabusy. Nagbinayloay sab og sweet messages ang duha sa Instagram.
MagPabiling Kapuso
Giklaro sa Kapuso actress nga si LJ Reyes nga bisan hapit na mapupos ang iyang kontrata sa GMA network, padayon gihapon siyang mopasilong sa tugkaran sa maong istasyon. “Ay, wag ganun. Haping-happy ako sa GMA, wala namang dahilan para lumipat. GMA pa rin ako. Ramdam ko naman yung suporta at pagmamahal nila sa akin, so parang ang hirap lumipat,”niya pa.
Excited na!
Nagpanikad na matod pa si Kyline Alcantara sa paglugwa niya sa Asian Academy Creative Awards sa Singapore karong Disyembre 7. Nominado si Kyline isip Best Actress in a Supporting Role category para sa gibidahan niining Kapuso teleserye nga Kambal, Karibal. “Yes po, first trip ko po abroad. First trip ko ‘to! Yeah, I’m excited,”sigon pa sa aktres.
Gikagubtan ang trailer
Hingpit nang gipagawas sa Star Cinema ang full-length trailer sa comedy film Fantastica nga gibidahan ni Vice Ganda kauban ang mga dagkong bituon sa showbiz sama nilang Richard Gutierrez, Dingdong Dantes ug Jaclyn Jose. Daling nagtrending sa social media ang two-minute trailer sa Metro Manila Film Festival 2018 official entry.
Erich, director na!
Laing gikalingawan karon sa aktres mao ang pag-direct niya sa usa ka music video sa usa ka Thai rapper nga si Marco Maurer sa latest single “I Won’t Let You Go.” Gipakita sa aktres sa Instagram ang sneak peak sa maong music video. Si Marco kay igsion sa Suddenly It’s Magic co-star ni Erich nga si Mario Maurer.
Bag-ong awardees
Gianunsyo sa president and general manager sa Walk of Fame Frederico Moreno ang bag-ong 10 nga mga awardees karong tuiga. Ang listahan gilangkuban nilang Vhong Navarro, Ken Chan, Miss Universe 2015 Pia Wurtzbach, Derek Ramsay, James Reid ug Julia Barretto. Ang bag-ong batch sa Walk of Fame formal nga ipaila karong December 10 didto sa Eastwood, Quezon City.
Nanguyab sa anak
Gibutyag sa aktor nga si Richard Gomez nga dako siya og pagtuo nga nanguyab si Marco Gallo ngadto sa iyang anak nga si Juliana Gomez kay kadaghan na kini nga higayon nga nibisita sa ilang balay. “I think so. Nakikita ko si Marco sa bahay e,”sigon pa sa aktor.
Gipadad-an og memo
Giangkon sa Kapamilya actress Jessy Mendiola nga nakadawat siya og “fat memo” sa ABS-CBN management ug mao kini ang hinungdan nganong halos duha ka tuig siyang wala’y proyekto. “It proves that you can’t get work when you gain weight. That’s the kind of society we have,”sigon pa sa aktres.