CEBU, Philippines – Malipayong gipahibalo sa ABS-CBN nga nagbaha ang mga show nga idalit nila sa publiko inigtungtong sa 2019.
Moabot ngadto sa 21 ka mga proyekto ang ilang himoon nga naglangkob sa mga teleserye, reality show, variety show, pelikula ug digital shows.
Pipila niini mao ang teleserye ni Angel Locsin nga "The General's Daughter" .
Giluto na usab ang "World of Dance Philippines," "Minute To Win It: Last Man Standing," ug "Idol Philippines" ni Asia's Songbird Regine Velasquez.
Ipalugwa usab ang pelikula nila ni Bea Alonzo ug Charo Santos-Concio nga Eerie.