CEBU, Philippines – Pormal na nga gipahibalo ang opisyal nga finalist sa 39th Cebu Pop Music Festival nga mosikad karong Enero 2019.
Ang event manager niini nga si Gloria Villarojo nipadayag nga dili basta-basta ang pag-screen sa entries gumikan kay niabot kini og 12 ka oras.
Gi-screen kini niadtong October 7 didto sa University of the Visayas ug niabot ngadto sa 170 ang nadawat nila nga song entries.
Dugang pa ni Villarojo nga naghinam-himan siya sa umaabot nga Cebu Pop gumikan kay kasagaran niini mga bag-ong pangalan sa industriya.
“Lipay kaayo ta kay duna pu’y mga batan-on nga nangapil, kay madunggan natu nga duna pu’y mga bag-ong style sa kanta,” matud pa ni Villarojo,
Ang mga nag-screen sa entries mao sila si Britz Briones, Giron Del Rosario, Baby Condeno, Maria Donna, Preciosa Bacalso, Jet Gonzales, ug Sam Costanilla
Ang Cebu Pop maoy tinuig nga halad ni kanhi First District Representative ug kasamtangang mayor sa Talisay City nga si Atty. Eduardo R. Gullas isip pagpadayag sa iyang dakong gugma ngadto sa Balaang Bata nga si Señor Santo Niño ug agig pag-abag usab sa paglambo pa sa Sugbuanong musika.
FINALISTS:
Awit sa Gugma
Kon Puwede Lang (Jesson G. Albaran)
Adto Nako (Barry Estrada Villacarillo)
Kita Nalang (Winset Rose Jacot)
Kung Andam Na (Frenyx Tarongoy)
Huni sa Kasingkasing
Gugmang Binarkada (John Stephen L. Cadelina)
Hugot Pas Huot (Eller Jeff L. Escarda/ Adonis Durado)
ABKDEGH (Florame Mamolo)
Bale-Balehon (Mark Eric Gavino)
Awit sa Pagpakabana
Patay Patay (Hardie Bigcas)
Kabataan Bag-ong Katilingban (Jerald Decem B. Castro)
Biktima (Joseph Delima)
Sugbong Nahiusa (Clark Geraldizo)