Apat pang pelikula sa MMFF napisil na

SEEN: Parang Bollywood movie ang finale episode ng Inday Will Always Love You dahil pinagsayaw ang lahat ng cast members ng primetime show ng GMA 7 na nagwakas noong Biyernes. Nagamit ni Ricky Davao ang talent niya sa pagsasayaw. Member si Ricky ng dance group ng isang recording company bago siya nakilala bilang aktor.

SEEN: Imbes na makakuha ng simpatiya, negative ang mga feedback sa tampo ni Sharon Cuneta kay Robin Padilla dahil hindi nito sinuportahan ang My 40 Years, ang 40th anniversary concert ng Megastar sa Smart Araneta Coliseum noong September 28.

SCENE: Positive ang mga reaksyon sa pagpili ng Star Cinema kay Jerrold Tarog bilang bagong direktor ng long-delayed movie na Darna. Malaking hamon kay Tarog ang project na binitiwan ng original director na si Erik Matti.

SEEN: Si  Cristine Reyes ang lead actress ng upcoming afternoon drama series ng ABS-CBN, ang Nang Ngumiti ang Langit. Co-stars ni Cristine sina Enzo Pineda, RK Bagatsing, Dante Rivero, Keempee de Leon, Matet de Leon at Pilar Pilapil.

SCENE: Mag-uumpisa sa October 11 ang First Pinoy Playlist 2018: Ito ay Atin, Sariling Atin, ang anim na araw na music festival na magaganap sa BGC Arts Center at itinataguyod nina Ryan Cayabyab, Moy Ortiz at Noel Ferrer. Sina Noel Cabangon, Jake Zyrus, Isay Alvarez Mitch Valdes, Kiana Valenciano, Rannie Raymundo, Chad Borja at Gloc 9 ang ilan sa performers sa Pinoy Playlist 2018.

SEEN: Sa Martes, October 9, ang announcement ng MMDA at Metro Manila Film Festival Executive Committee sa natitirang apat sa walong pelikula na opisyal na kalahok sa 2018 Metro Manila Film Festival.