Signal Rock susubok sa Oscars

Makalusot kaya ang pelikulang Signal Rock sa mga pagpipilian ng Oscars para sa Best Foreign Language Film category this year?

Ang nasabing pelikula na bida si Christian Bables ang napisil ng Film Academy of the Philippines para pagpilian sa board of juror para sa Best Foreign Language Film category. Ang nasabing pelikula ay isa sa official entries sa ginanap na 2nd Pista ng Pelikulang Pilipino (PPP) last August na proyekto ng Film Development Council of the Philippines (FDCP) headed by Ms. Liza Dino.

Sa interview ng ABS-CBN.com kay Direk Chito Rono na producer and director ng Signal Rock sinabi nitong : “Tuwang-tuwa kami. Hindi namin akalain na kami ang mapipili sa dami nang isinabmit. Pero ang Signal Rock, passion project ko ‘yon. It’s very close to my heart. Everything that’s happening, even the international film fest, it’s really an honor. But to be chosen to be the one to rep resent us (Filipinos) sa Academy sa Amerika -- although submission pa lang ito -- sobrang honored na siyempre kasi among the other films we were chosen.”

Ang Regal Films ang distributor ng movie at sana nga ay ma-push ito ng Regal Film sa Hollywood para mapansin sa Oscars.