CEBU, Philippines — Ingon niini kakalma ang bag-ohay lang nga napili nga Binibining Compostela 2018 nga si Kylah Sanchez kon maghisgot na og mga indigay.
Usa sa adbokasiya nga iyang ipatigbabaw human sa iyang kadaogan mao ang mga maayong programa alang sa pagpanalipod sa kalikopan.
Nasayran nga bisan asang dapit sa nasud, usa kini sa mga init nga isyu.
Dakong garbo alang kaniya ang naangkon niya nga korona sanglit nasayod siya unsa ka prestihiyoso ang maong indigay.
Usa ka tuig kapin pa lang si Kyla sa iyang pagkaaktibo og mga beauty pageant ug dako kaayo og natabang kaniya ang iyang mga higala ug pamilya sa iyang kalamposan.
Samtang si miaging adlaw, usa ang pangalan ni Kylah sa gianunsyo isip usa sa mga kandidata sa Miss World Philippines 2018.
Matud pa niya nga todo preparasyon na siya sa maong indigay sanglit makatigi niya ang mga lig-on nga mga kandidata gikan sa nagkadaiyang dapit sa nasud.
Dakong garbo alang kang Kylah nga malakip sa Ms. World Philippines 2018 gumikan kay nasayod siya nga ubay-ubay gyud ang nagpa-screen niini.
“Actually wala gyud ko nag -expect nga madala ko kay lagi mga tang’an na kaayo ang mga ni- screen , kung buot huna-hunaon, I’m still a newbie when it comes to pageants. Pero at the end of the day, I guess this is a blessing in disguise para mas mapasigarbo pa nako ang Cebu,” suma pa niya.
Iyaha gyud nga buhaton ang tanan aron magpabiling humot ang mga Sugbuanon kon maghisgot na og indigay.
Nasayran nga ilado kaayo ang mga Sugbuanon sa bisan asa nga dapit sa nasud gumikan kay dili basta-basta ang performance niini sa bisan unsa nga matang sa kompetisyon.
Q andA
Banat News Hugyaw: Unsay makapasuko nimo?
Kylah: Masuko gyud ko sa judgmental people .
Banat News Hugyaw: Your goals ug dreams.
Kylah: To be a flight stewardess and to represent Philippines in an international pageant.
Banat News Hugyaw: Kon makahupot ka og dakong kantidad sa salapi unsaon nimo kini?
Kylah: First, give it to my mom ug siya na bahala ang moplano. But definitely , I will set aside for my schooling.
Banat News Hugyaw: Unsa ka importante ang edukasyon alang kanimo?
Kylah: Importante gyud kaayo kay matawag siya nga most powerful weapon sa pag- fight sa poverty.
Banat Hugyaw: Your good qualities as a person.
Kylah: Determinado, equal ang pagtan-aw nako sa tanan ug wala’y discrimination .
Banat Hugyaw: Kun dunay nanguyab nimo, unya dili nimo siya feel, unsaon nimo siya pagbasted nga dili siya malain?
Kylah: So far, honestly speaking, pangit siguro ko kay wala pa ma’y naguyab nako og tinuod. Pa-char char pa lang, so wala pako naglisod og basted nila.
Banat Hugyaw: Naa ka’y uyab karon?
Kylah: Dili pa nako siya priority.
Banat Hugyaw: Sa mga madaog nimo nga kuwarta sa pageants, unsaon nimo kini?
Kylah: Itabang nako sa akong family for house construction and for my school tuition fees .
Banat News Hugyaw: Unsa ang imong baruganan kabahin sa Reproductive Health Law?
Kylah: I agree, kay we all know that the number one problem in our society is over population.
Banat Hugyaw: Do you drink alcohol or smoke cigarette?
Kylah: Never.
Banat Hugyaw: When was the last time you cried? Why?
Kylah: Last month when me and my mom argued about something I didn’t like.
Fast Facts
Name: Kylah Sanchez
Nickname: Kylah
Date of Birth: November 23
Nationality: Filipino
Favorite song: Symphony
Favorite movie: Paper Towns
Favorite TV station: ABS-CBN Sports TV
Celebrity Crush: Elmo Magalona
School: University of Cebu
Course/Program: Grade 11 -Travels Services
Height: 5’6
Motto: Live for today and hope for tomorrow.
Previous Titles:
Miss Tabogon 2017
Miss Gaisano Grand 2017
Miss Lanuza 2017(Surigao)
Panagtagbo Festival Queen 2018
Miss Hannahs Tourism Phil. Ambassador 2018
Binibining Compostela 2018