CEBU, Philippines – Atol sa pagsaulog ni Yassi Pressman sa iyang 23rd birthday, nag-apod apod siya og mga pagkaon didto sa Camarines Sur. Nipasiugda usab siya og medical mission ug ubay-ubay gyud ang nakabenepisyo niini.
Gimik lang?
Gipasanginlan si Bea Alonzo sa pipila ka netizens nga matud nagmugna ra og gimik aron hisgotan ang pelikula niya nga Kasal sa Star Cinema. Nagduda ang mga kritiko nga paukyab lang ni Bea ang lenggua niini nga single na siya. Dili kumbinsido niini ang iyang followers ilabi na nga nag-uban gihapon sila ni Gerald Anderson sa pagpanuroy.
Dedma sa indecent proposal
Giangkon ni Marlo Mortel nga nakadawat siya og mga indecent proposal. Matud pa sa aktor nga wala gyud siya nagpadala niini ug gusto niya nga manginabuhi sa desente nga pamaagi. Todo trabaho karon ang aktor aron makasuporta sa iyang inahan nga nasakit.
Angel nauyonan ni Maricel
Misaludo si Maricel Soriano sa abilidad ni Angel Locsin sa pag-arte. Magkauban ang duha sa serye sa ABS-CBN nga The General’s Daughter. “Maganda ito. Siguradong maiibigan niyo.At napakaganda ho ni Angel dito. Panoorin niyo po siya.Mahusay yung bata,” saysay pa sa Diamond Star.
Komunikasyon lang
Tsika pa ni Barbie Forteza nga puros sila busy sa iyang boyfriend nga si Jak Roberto. Nakaagwanta ra si Barbie niini sanglit gipaneguro man gyud nila nga dili maputol ang ilang komunikasyon aron updated sila sa usa'g-usa.
Keveray ang show
Gikataw-an lang ni Aiko Melendez ang mga tawo nga nisaway sa relasyon nila ni Subic Mayor Jay Khonghun. "It's our choice to be together, whether you like it or not:) And we are not here to please anyone:) So eat your hearts out Trolls,” suma pa sa Instagram post sa aktres.
Gitinuod ni Angeline
Gibutyag ni Angeline Quinto nga nagpadayon ang imbestigasyon aron mahibaw-an ang tawo nga nanghulga sa iyang kinabuhi. Kahinumdoman nga nagsugod kini sa dihang gipasanginlan si Angeline nga matud pa niyaga-yaga sa nakit-an niya nga video kung diin naghilak si Sarah Geronimo atol sa concert niini didto sa Amerika.
Vic ug Coco maghiusa?
Nitumaw karon ang tsika nga matud pa nagplano sila si Vic Sotto ug Coco Martin nga mag-uban sa usa ka pelikula alang sa umaabot nga Metro Manila Film Festival 2018. Wala pa’y komento ang duha ka kampo kalabot sa maong report.
Pinangga sa pamilya
Parte na sa ilang pamilya, mao kini ang matam-is nga pagtratar sa pamilya ni Matteo Guidicelli ngadto sa singer nga si Sarah Geronimo. Nagpanikad na ang fans nila ni Matteo ug Sarah kung kanus-a gyud magpakasal ang duha.
Shamcey mabdos
Mapahiyomon kaayo si Shamcey Supsup karong panahona gumikan kay upat na siya ka buwan nga mabdos alang sa ikaduhang anak nila ni Lloyd Lee. Kahinumdoman nga nagpakasal sila si Shamcey ug Lloyd niadtong 2013. Babaye ang una nilang anak busa nanghinaot sila nga lalaki na pud ang umaabot nila nga baby.