CEBU, Philippines — Hugtanong gihimakak ni John Estrada ang nikatap nga tsismis nga matud pa nga iyahang gidapatan ang aktres nga si Mylene Dizon sa set sa ABS-CBN primetime series nga The Good Son .
Miulbo ang maong chika human nga gipatik sa kolumnitsa nga si Ador Saluta sa iyang kolum sa us aka tabloid nga matud pa adunay usa ka FB source ang nakipagkomunikasyon ug nitsika ngadto kaniya sa maong panghitabo.
Giingon nga nabuhat kadto ni John tungod kay adunay personal nga sproblema ang duha o basin og nadala lang kini sa eksena.
Apan hugtanon nga gihimakak ni John ang maong tsismis, lakip na usab ang istorya nga matud pa iyahang gitsansingan ang aktres. Suma pa ni John, sa kadugay na niya sa industriya, dili gyud masulod sa iyang hunahuna nga manghilabot sa mga kaubanan niya nga artista.
Mipagawas og pamahayag si John pinaagi sa iyang Instagram aron iklaro nga dili tinuod ang nikatap nga balita.
Mibahad sab ang aktor ngadto sa kolumnista nga ipaandam na niini ang abogado aron magkita na lamang sila sa korte.
Sa ulahing bahin sa iyang pamahayag, nangayo og pasaylo si John ngadto sa iyang followers.
"Pasensya nasa mga followers ko... wala lang kasing katotohan ang sinulat nitong matandang to e... diyos na lang ang bahala sa kanya”, pulong pa niya.