Siyam na taon nang miyembro ng Bench Family ang actor-dancer at mister ni Isabel Oli na si John Prats kaya nagpapasalamat ito na hanggang ngayon ay kabilang pa rin siya sa pamilyang ito.
At kahit may asawa’t malapit nang maging daddy ang kuya ni Camille Prats, marami pa rin ang kinikilig sa kanya tulad na lamang nang siya’y lumabas sa entablado para magpakitang gilas ng kanyang galing sa pagsayaw.
“Nagpapasalamat po ako na hanggang ngayon ay kapamilya pa rin po ako ng Bench,” pahayag ni John pagkatapos ng fashion event ng Bench Quick Fix.
Kahit hindi pa alam ang gender ng kanilang magiging first born ng misis niyang si Isabel ay may nakahanda na umano silang pangalan - kapag girl, Feather pero kapag boy ay isang Hawaiian name na Keoni na ang ibang sabihin ay John.
Si John ay regular pa ring napapanood sa ASAP 20 at sa late night show na Banana Split.
Coco at Maja walang pinagbago ang samahan
Although nali-link siya sa Doble Kara star na si Julia Montes, loveless pa ring maituturing ang Teleserye King na si Coco Martin at single rin ngayon ang kanyang balik-kapareha sa Ang Probinsyano na si Maja Salvador na una niyang nakatrabaho sa seryeng Minsan Lang Kita Iibigin.
Since parehong loveless at single sina Coco at Maja, hindi malayong ma-develop into something deeper ang pagkakaibigan ng dalawa laluna’t madalas silang magkasama sa taping ng Ang Probinsyano na magsisimula nang mapanood ngayong Lunes ng gabi, September 28.
Ang maganda kina Coco at Maja, never na nagbago ang kanilang pagkakaibigan magmula nang sila’y unang magkatrabaho mahigit tatlong taon na ang nakalipas.