Bahay ni Julia nakaladkad na sa intriga

Isip-manok talaga ang marami sa atin. Nagbigay lang si Coco Martin ng impormasyon tungkol sa subdivision na tinitirhan niya na may ibinibentang property kay Julia Montes, kung saan-saan na umabot ang balita na nabaluktot pa dahil binigyan daw ng bahay ng aktor ang aktres.

Ano ba kayo? Kaya ni Julia na magbayad o bumili ng bahay. Hindi niya ito ipasasagot kay Coco. Meron naman siyang pambayad, noh!

Gov. Vi Alam kung ano ang ikasisira nina Luis at Angel

Pati si Gov. Vilma Santos ay naniniwala na puwedeng masira ng pera ang pareha nina Luis Manzano at Angel Locsin. Ganun ba kababaw ang relasyon ng dalawa? Kaya agree siya na hindi dapat magsos­yo sa negosyo ang dalawa.

Panatilihin na lamang nila ang status quo ng kanilang relasyon na walang involved na pera.

Tumpak!

Timing ni Sef puring-puri ni Direk Soxy

Hindi nagkamali ang GMA na bigyan ng break si Sef Cadayona sa Juan Tamad. Napakagaling daw nito at ang ganda ng kanyang timing. Puring-puri ang aktor ng direktor niyang si Soxy Topacio.

Bukod sa Juan Tamad, may balak na pagsamahin sa isang show sina Sef at Michael V. Eh, ‘di simulan na!