CEBU, Philippines - Mitikang kagahapon sa buntag si Vice Ganda sa Pasig Prosecutor's Office ug miduso sa iyang affidavit nga matud pa nag-uban gyud sila ni Vhong Navarro sa iyang concert niadtong April 24, 2010 didto sa Cavite.
Nasayran nga ang maong petsa maoy gisugilon ni Roxanne Cabañero nga matud pa gilugos siya ni Vhong
"Mayro'n akong alam sa puso ko na maaaring makatulong sa kanya.Mayro'n akong bitbit na katotohanan at 'yon ang sasabihin ko dahil maaaring 'yon makatulong sa kaibigan ko, at maaaring magbigay kaliwanagan sa lahat ng iniisip ng mga tao," suma pa ni Vice.
Kimerald nabanhaw
Ni-post sa iyang Instagram account ang road manager ni Kim Chiu nga si Peachy Bautista og hulagway sa aktres kung diin kauban ang ex-boyfriend niini nga si Gerald Anderson.
Gikuha ang maong hulagway samtang nag-pictorial ang duha alang sa advertisement sa usa ka accessory brand nga ilang giindorso.
Kahinumduman nga dugay na nga wala magtagad ang duha sukad sa ilang breakup ug nisamot pa gyud kalisod ang sitwasyon sa dihang nauyab ni Gerald ang bestfriend ni Kim nga si Maja Salvador nga maoy ugat sa pagkapukan sa panaghigalaay sa duha ka aktres.